Header Ads

Header ADS

【Now財經台 – 期匯決算】油價有機重返戰前水平 | 嘉賓: Perry 杜浩霆

【Now財經台】紐約期油及倫敦布蘭特期油上周急挫,踏入新一個星期暫時喺低位喘定,前者企喺每桶90美元以下,後者就喺95美元水平,美國上月非農新增職位數據強勁,加上內地上月原油進口亦自4年低位反彈,經濟形勢似乎唔算太差,油價今個星期有冇動力自低位反彈?

Z.com Bullion亞太區業務總監杜浩霆估計,油價短線應該會輕微反彈,但基本面及技術面都幾弱,尤其紐油上周失守90美元,長線嚟講要留意兩個因素,首先係OPEC+增產情況,其次係俄烏戰事,暫時整體油市都係偏淡,佢又預期,油價中長線有機會跌穿87美元,一旦失守,有可能落返戰前水平,即65美元水平,甚至更低。


「期匯決算」 完整節目內容逢星期一於Now財經台及ViuTV 99台之「交易時段」內播出。



Blogger 提供.