Header Ads

Header ADS

投資小白的 Trade Log |6月11-17號 :利潤大回吐

投資小白的 Trade Log

作者介紹: 細龍生

身為一個岩岩出社會打工就快一年既社畜,我係呢年到比左好多心機去自學各種金融產品,一開始試過黃金,後來又玩過加密貨幣,之後去左炒股,都係輸多過贏。為左實現財務自由,我最後去左研究期權,用我最後既努力去博殺。





2022-7-29 6月11-17號回憶錄 :利潤大回吐

13-17呢個星期失去左好多個第一次,首先係第一次星期一輸大錢,果日沖動左越輸買越大,最後輸左差唔多6千銀先收到手。之後星期二至四賺返差唔多五千,之後果晚見到TESLA 到62X我認為既最低位,我睇升又想用期權將利潤最大化,當時有兩個選擇;一係單腳買下星期到期既CALL(因為太貴只買到一張C/P),或者繼續用上兩星期果招博佢廳日就升。 
 
最後我又選錯左,每次二選一環節都選錯,我今次都係用左前兩星期果招仲要加碼買左兩注,因為果個星期五冇記錯係四巫日,我睇返上次四巫日波動唔細,所以想博佢高/低開。 
 
點知星期五開市平開,而且唔知係咪四巫日既關係,一開市啲期權價值跌左4成(平時2成左右),後來股價沖高一波後我啲PUT變左廢紙,但啲CALL開始賺錢而我因為想貪多啲冇走。 
 
幾分鐘後XX個報價出左問題,期權啲價一秒內沖上沖落10幾蚊,之後帶崩左個期權報價,我全部期權變哂廢紙,損失慘重。我當時一見到報價問題就即刻打電話過去問客服,佢冇講點處理,係到HEA9我,我又係第一次遇到呢種情況唔識處理,導致損失進一步擴大,最後係討論區啲人提醒我平倉,佢地話之前都有發生過XX冇賠過錢。 
 
最後佢地只賠50$美金,我當晚比佢搞一搞輸左1800$美金,佢只賠50$我梗係條氣唔順走左去證監會報告了。 
 
風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.