Header Ads

Header ADS

投資小白的 Trade Log |6月1-10號紀錄:終於見到曙光,新既做法有效。

投資小白的 Trade Log

作者介紹: 細龍生

身為一個岩岩出社會打工就快一年既社畜,我係呢年到比左好多心機去自學各種金融產品,一開始試過黃金,後來又玩過加密貨幣,之後去左炒股,都係輸多過贏。為左實現財務自由,我最後去左研究期權,用我最後既努力去博殺。





2022-7-25 終於見到曙光,新既做法有效。

係呢個月我開始形成自己既一套投機策略。前半個月既諗法係星期一至四每日執少少,所以目標定係每日賺50-100$美金,而星期五要搵機會炒末日期權賺幾百。 
 
6月1號做到目標就收左手,但6月2號星期四一開市就做錯邊輸錢,當時經驗少越輸越做,直到2點幾已經輸緊1萬蚊港紙。當我心感絕望同懷疑自己能力既時候,我依然未放棄認輸仲繼續睇市搵機會,因為我認為出泥社會後如果冇一樣專業技能,好容易就會比社會淘汰,而識係股市搵錢就係一樣專業技能,所以唔到最後我都唔會放棄。 
 
終於比我係睇TESLA啲末日期權既時候靈光一觸,發現左一個執錢既機會(利申:而家未必用到因為波動率果時TESLA普遍過100%,ATR都高而家10幾),就係我發現TESLA末日期權CALL/PUT 價外2-30$既都只係需要500-600 美金權利金一張,而我潛意識記得睇左咁多個月星期五結算既時候多數到價既期權都講緊值3000美金。換言之,我只需要TESLA係星期五升/跌20$我就穩執3000$ - (5/600$X2) = 1700$至2000$,以當時TESLA既每日波幅好易就可以做到。 
 
結果6月3號果日果然連盤都唔洗睇,一開市就直接裂口低開,張PUT直接變左值3000$就平倉走人了,後來張野值成6000$但正如一個好出名既投資者講過:人只可以賺到自己認知範圍內既錢,而我當時只知到價=3000=走人。所以下次先會考慮渣唔渣到佢6000$先放。  
 
因為今次既大賺令到我對自己眼光又有返啲信心,所以係第二個星期一至三都順利完成目標。而星期四今次都係輸但因為嚴格執行止損只係輸 1000 蚊港紙多啲,當晚等到兩點幾啲期權價磨到咁上下既時候,我又用返6月2號用既果招(兩邊買TESLA末日)。之後果日好似ELON MUSK 出泥話要炒人定第二樣野,TESLA盤前大跌,今次執到1700$美金左右。 
 
去到6月10日收市,我第二注錢已經成功賺返第一注果17000返泥了。 
 
風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.