Header Ads

Header ADS

投資小白的 Trade Log |股市回憶錄(4月):冇預計到完成收購計劃需要幾耐,注資既錢慘遭血洗。

投資小白的 Trade Log

作者介紹: 細龍生

身為一個岩岩出社會打工就快一年既社畜,我係呢年到比左好多心機去自學各種金融產品,一開始試過黃金,後來又玩過加密貨幣,之後去左炒股,都係輸多過贏。為左實現財務自由,我最後去左研究期權,用我最後既努力去博殺。





2022-7-12 搭順風車失敗(4月)

馬教主係呢個月突然出泥話要買起Twitter,咁我當然即刻去做研究;去左睇呢間公司既未來發展潛質,結論係呢間公司大部分使用者都集中係北美而且內容因為政治成份高所以新用戶一直都唔多,唔係一間我會買既公司。我可以諗到對tesla 有幫助既只有兩點:大數據/比Elon一個平台充分運用佢既名人效應。但我既客戶今次要我ALL IN 落Twitter 到買CALL 所以我都只好幫佢咁做,當然我自己冇跟。 
 
4月4號一睇到新聞Elon Musk要買Twitter,就開市即買 Call賺到啲順風錢 $12,227.94 HKD。但之後就大鑊啦,第二轉入Twitter Call為左攞槓桿攞到盡但又要留啲時間比佢搞收購,所以買左Out of the Money 55$ 一個月後到期既LONG CALL,之後佢股價開始一直跌,馬教主一直嘴炮佢就一直跌,本來張期權仲有啲時間可以捱,直到一個最壞既消息出泥,就係馬教主只肯出54.2$一股收購,而啲CALL 係價外55$,果日一開市我啲期權既IV價直接腰斬差唔多變廢紙,到最後損失14萬幾,我個本暫時就毫髮無傷。 
 
風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.