Header Ads

Header ADS

投資小白的 Trade Log |股市回憶錄(3月):期權價格選擇同開平倉時機選擇都有所進步:3月呢個月賺左44807$HKD,總資產經兩次注資後去到154,487.53$HKD。

投資小白的 Trade Log

作者介紹: 細龍生

身為一個岩岩出社會打工就快一年既社畜,我係呢年到比左好多心機去自學各種金融產品,一開始試過黃金,後來又玩過加密貨幣,之後去左炒股,都係輸多過贏。為左實現財務自由,我最後去左研究期權,用我最後既努力去博殺。





2022-7-05 期權價格選擇同開平倉時機選擇都有所進步:3月呢個月賺左44807$HKD,總資產經兩次注資後去到154,487.53$HKD。(3月)

3月總結:無可否認既係今次賺到錢好大程度上係因為岩岩好食中大市跌到短期底後連續反彈兩個星期的走勢。其中主要係集中買中概股同美國大型科技股既一至兩個月到期既期權。 
 
要改進既地方有好多,例如要學識忍手唔賣飛,選股要睇多啲唔同方面,同埋唔好粗心大意。 
 
用期權可以係睇岩走勢既時候放大利益,無奈既係因為利潤放大左之後個人成日會驚回調,無時無刻都想落袋平安,導致好多時候因為提前離場放棄更大既利益空間。 
 
至於選股方面,雖然當時大部份時間選得都冇錯,但可以做得更好。例如呢段時期發生過好多次二選一既情節;兩只相同版塊既股票都睇升但唔肯定佢地分別既升幅,最後通常都選錯,利益可能差成幾十%,所以選股方面都要繼續進修。 
 
因為大意而犯既最嚴重既錯係一次睇原油升但冇了解清楚真正個產品叫咩名就亂入左個標普油氣開採指數既期權,結果買錯產品導致輸成2000$美金,所以試新產品之前真係要了解清楚。 
 
風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.