Header Ads

Header ADS

【Now財經台 – 期匯決算】歐洲天然氣價易升難跌 | 嘉賓: Perry 杜浩霆

【Now財經台】北溪一號天然氣管道預期今個星期完成維修,之後俄羅斯係咪會恢復向歐洲輸氣仲係未知數,但歐洲天然氣價上周反而自高位回落,德國電網監管部門甚至話,市場或已消化俄羅斯全面中斷向歐洲供氣嘅因素,歐洲天然氣價真係咪已經見頂?

Z.com Bullion亞太區業務總監杜浩霆指,雖然維修完成後,俄羅斯會唔會恢復供氣都係未知數,但關鍵係管道維修前,其實俄羅斯已中斷咗大部分供氣,睇返6月歐洲進口天然氣數據,美國已取代俄羅斯嘅供氣地位。

Perry又話,天然氣價上升嘅主因唔係管道維修,而係俄羅斯停止供氣,依家預期會重新供氣,氣價回落都係合理,預期氣價會落返停止供氣前嘅水平,但德國始終要喺11月前累積天然氣庫存,不停喺市場買貨,氣價似乎都係易升難跌。


「期匯決算」 完整節目內容逢星期一於Now財經台及ViuTV 99台之「交易時段」內播出。
Blogger 提供.