Header Ads

Header ADS

投資小白的 Trade Log |初入股市回憶錄(2月),第一次挑戰美股:支持國貨(細龍生)

投資小白的 Trade Log

作者介紹: 細龍生

身為一個岩岩出社會打工就快一年既社畜,我係呢年到比左好多心機去自學各種金融產品,一開始試過黃金,後來又玩過加密貨幣,之後去左炒股,都係輸多過贏。為左實現財務自由,我最後去左研究期權,用我最後既努力去博殺。





2022-4-26 初入股市回憶錄(2月),第一次挑戰美股:支持國貨

我炒美股既原因有幾個,首先係想搵多啲錢但用夜晚時間去返PART TIME又覺得好浪費;搵多果少少又要學唔到金融野。其次係,個本唔夠大做港股啲大股講緊一手幾萬蚊玩唔起,而美股可以一股一股咁買。 
 
當日我仲係好年輕信左市場一個謊言,就係所謂既價投。  
 
我既第一次就係貢獻左比BABA同RLX:當日入市價為BABA 114$,RLX 3.22$;見到阿里巴巴114$咁平就沖左入去,因為你諗下價投喎BABA咁好既公司咁平仲唔入咪傻仔? 但始終第一次買賣所以BABA都係落左兩成倉,仲有3成倉買左落去支持RLX,我平時食開既電子煙龍頭;我當時諗住買呢兩只實冇死啦,都係優質企業,正如巴哥教落It's far better to buy a wonderful company at a fair price than a fair company at a wonderful price. 兩間好公司,好價位飛龍騎面點輸LOL。
 
結果係BABA輸少少因為本來對佢好有信心一路渣住唔放最後見勢唔對路先係2月22日放左輸1.4$一股;RLX 係2月9日平倉+10%。 
 
就係因為呢個結果,我就對RLX好有好感結果走上一條不歸路啦,由2月10日我第一次跑贏大市開始決定左繼續加倉RLX,點知一路買佢一路跌,我仲不停安慰自己龍頭咁平一定係洗盤,但去到3月頭發現真係唔對路已經輸左唔少,後面就開始對中概股有啲厭惡就停止左狂買RLX了。 
 
風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.