Header Ads

Header ADS

2021年塵埃落定 放眼準備2022年 | 資深外匯評論員 - 陳健豪

短篇分享

作者介紹: 陳健豪 Aaron Chan

- 外匯小王子 
- 愛跑數更愛跑步的金融人 
- 金融跑隊 Just Runners 成員 
- 財星足

文章獲受權後轉載自 Aaron FB page: https://www.facebook.com/AaronChanFX



2021年已塵埃落定,餘下幾日大家無乜入市意欲。每人每日都面對唔同嘅壓力,工作上、人事上或者交易上,隨著歷練都會互相影響。

年輕時曾諗過以炒為生,但有高人贈言打消左念頭,之後想靠高薪高職高級品搏尊敬,但人大左熱情不再,又或者係經歷過好似了解多左自己,更重要係呢兩年個世界唔同哂,估唔到又想回到起點。無論將來身處何地、或失業或被電腦取代,投資又好炒賣都好,就係市場上一種求生技能。係市場上無專家只有贏家同輸家,唔需要面對爾虞我詐,但要面對市場既無情冷血。

後生時對曝光,坦白講係有少少優越感。但唔 x 到你應以為自己好 L 型,數數手指原來已經過咗14年。當年好嚮往,花好多時間做準備,近年對媒體有另一番體會。可能係年初既Hater 挑機,更令我有少少厭倦,個市況有乜好講,黎黎去去咪又係歐羅英鎊,我講過話發左達我就唔做節目,所以今年減少好多媒體訪問,願意做既一係有錢,一係拍膊頭有感情免費都做,發達梗係無我份,今年都好難捱,壓力更大,脾氣亦都暴躁,係鏡望到自己大部分時間可愛但有時都覺得討厭。

雖然係咁,但我每日做準備花既時間更多,花左更多既時間觀察市場既行為,因為要對自己既交易户口負責、對真金白銀支持既聊天室會員負責。投資係長途賽,2022年又係新既一年,好好準備,用户口數字說話。今日就靜靜咁感受下美匯指數出年唔同既情景假設,目標係2022年底仍然生存。

圖片來源:Yahoo財經 APP Yahoo 財經


風險提示: 本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.