Header Ads

Header ADS

短篇分享 | 資深外匯評論員 - 陳健豪

短篇分享

作者介紹: 陳健豪 Aaron Chan

- 外匯小王子 
- 愛跑數更愛跑步的金融人 
- 金融跑隊 Just Runners 成員 
- 財星足

文章獲受權後轉載自 Aaron FB page: https://www.facebook.com/AaronChanFX



美匯指數今年幾乎由頭升到尾,上星期五收報95.1,係2020年7月以來最高,仍然符合短線美元反彈、中線睇淡、阻力區94.6-96.1既睇法。

雖然美元由6月中正式反彈,9月尾升穿93.7後過去1個月都守住93.0樓上,暫時又未見到美元大跌既原因,因為歐元同日圓既弱,呢兩隻貨幣已佔美匯指數70%,而呢兩貨幣又無收水、加息時間表、無炒上誘因係主因。

要點樣強化市場覺得歐洲通脹高但唔收水,橋唔怕舊最緊要受,仍然係用疫情做理由。歐洲地區上周報告新增近200萬宗新冠確診病例,達到疫情爆發以來最高峰,荷蘭政府重新實施局部封城,市場自然又諗經濟增長又慢。但唔好唔睇美國咪一樣新增9萬宗,通脹高但經濟增長慢,有滯脹風險,出年又有中期大選拜登係時候要谷經濟,美國一樣無得加息。

呢啲價位仍然係短線博美元、中線慢慢吸外幣。難得外幣又跌返,早前外幣反彈不停問仲追唔追既,而家又會唔會問見底未?見抵又怕未見底唔敢買,唯有又等下次外幣升既時候再問仲可唔可以買,低位唔敢買、高位又追買中伏呢種無限 loop 既狀態。

圖片來源:Yahoo財經 APP Yahoo 財經



風險提示: 本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.