Header Ads

Header ADS

投資小白的 Trade Log | 發現某公司背後既隱藏收費(二) (細龍生)

投資小白的 Trade Log

作者介紹: 細龍生

身為一個岩岩出社會打工既社畜,當然會想快點實現財務自由,所以我決定每個月都拎幾千蚊出泥比自己投資下。因為我自己之前讀大學果時有過幾條神Q但因為唔夠膽投,最後浪費了好幾次大好機會,而家有自己收入就當係訓練自己既心理質素都要拎錢出泥,當然目標梗係要搵錢,我既目標係今年完之前做到月入20000$以上。作為一個金融人,我對最近的股市冇咩信心,同埋資金不夠既情況底下買股票回報亦唔會特別好,所以的決定玩有槓桿既產品。

2021-10-20 發現某公司背後既隱藏收費(二)

又發現左一個隱藏收費,今次係提款收手續費,但呢個都唔係重點,重點係佢地既處理方法。我係入錢之前睇過間公司既標準費用及收費表,同埋佢地係提款個網頁都冇話有收費除左用電匯會收錢,但問題係邊有人會係本地銀行轉帳用電匯。所以我係提款果時見到比佢地收左我成幾十蚊我唔係好明,之後我見到我既提款申請會加左個人工出錢手續費我就唔係好明,緊住我就打左過去間公司問佢點解會收左我2次出錢成百蚊,因為雖然幾十蚊小事但係輸錢仲要比人收呢啲冇講到明要比既錢,我條氣就唔係好順,相信好多賭錢既人都明。

緊住戲肉泥啦,我打左電話比佢之後佢叫我等陣會有人打返比我解釋,我等左幾個鐘之後有人打過泥同我講話呢個係正常收費,連個提款網頁都改埋(即刻加左個提款要收手續費既條款落去)。真係比佢吹漲,唔明佢點解會認為我冇影底個網頁對比一下,同埋班天才只係記得改網頁冇改到個PDF,諗緊繼唔繼續追佢好,如果唔係金唔洗拎SFC 牌我一早打左去SFC投訴佢。
風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.