Header Ads

Header ADS

投資小白的 Trade Log | 良言難勸該死鬼,慈悲不渡自絕人 (細龍生)

投資小白的 Trade Log

作者介紹: 細龍生

身為一個岩岩出社會打工既社畜,當然會想快點實現財務自由,所以我決定每個月都拎幾千蚊出泥比自己投資下。因為我自己之前讀大學果時有過幾條神Q但因為唔夠膽投,最後浪費了好幾次大好機會,而家有自己收入就當係訓練自己既心理質素都要拎錢出泥,當然目標梗係要搵錢,我既目標係今年完之前做到月入20000$以上。作為一個金融人,我對最近的股市冇咩信心,同埋資金不夠既情況底下買股票回報亦唔會特別好,所以的決定玩有槓桿既產品。


2021-10-07 良言難勸該死鬼,慈悲不渡自絕人

今日10點先睇市,發現走勢似乎同前幾日一樣都係美市前下跌,所以我當場沽左0.04手,但係我有點擔心變動因為8/10 出非農數據,而通常出大數據前個市走勢都好難捉摸。果然係唔夠一個鐘11點果時走勢就出現反覆,雖然反彈唔多但我都係決定平倉走人,因為出現呢個情況就表明今日走勢會同前幾日有出入。

 之後我即刻去睇前3個月每星期四波幅係有幾多,計到平均約26.9$但我係呢到又犯左個菜鳥失誤,就係通常出非農前果個星期四波幅會細好多。所以我今日做既決策都錯哂,因為我既決策係預走勢有約27$波幅。 

 時間去到中午3點,我仲未搵到位入市,因為走勢反覆而且有人教我如果唔係支撐或阻力位入市同賭大細冇分別,所以我忍住唔入市。同時一邊睇下其他網,比我揾到一種投資方法叫倒金字塔加倉法,但因為走勢反覆應用唔到,所以我決定用金字塔建倉。係中午低位1756買入0.02手(1754止損;目標1769),跟住1754買入0.02手(1751止損;1769目標)。我係做呢個布局之前同我一個有資深經驗既同事傾過;佢叫我唔好搞咁多咩建倉法,直接係我認為會去到既價位入,我果時冇聽佢講因為我下意識認定今日會有26.9$走勢,所以比起損失2$我更唔想因為想捉得準入市時機而錯過入市機會,結果再次證明我又錯了,唯一岩既就係我真係冇預測錯當晚底部就係1751.X,所以當日既損失最後都追返7788只輸100幾。真係良言難勸該死鬼,下次要做更好既決策。


風險提示: 作者為獨立投資者,在 Z.com Bullion 並無任何交易帳號。本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.