Header Ads

Header ADS

短篇分享 | 資深外匯評論員 - 陳健豪

短篇分享

作者介紹: 陳健豪 Aaron Chan

- 外匯小王子
- 愛跑數更愛跑步的金融人
- 金融跑隊 Just Runners 成員
- 財星足

文章獲受權後轉載自 Aaron FB page: https://www.facebook.com/AaronChanFX

我覺得投資者就分兩種,一種就信「專家」,你講咩佢信咩,基本上無分析能力或者係懶,最好飯來將口、講俾佢聽咩位買、咩位止蝕、咩位食糊 ; 另一種就好似天水圍林太咁,「專家食屎啦」,覺得人地既分析無價值、呃飯食、如果咁叻發左達啦、咁準就唔駛係度9up 啦之類。

首先,第一類投資者,傾向相信「專家」有水晶球或內幕貼士,覺得個市況係控制到係佢地手上、覺得幅圖係佢地劃出黎咁。呢類投資者,我會覺得唔係信專家,而係「更加唔相信自己」。同時呢類人又唔想付出,唔知點解覺得專家有責任、好想世界和平、好有愛心、好想造福人群、要做義工令大家都賺錢。但現實既情況係,免費既係最貴,唔肯付出唔肯做功課唔肯俾錢人賺既,通常都無咩好野,例如以我為例,當然只會post d 認叻 post (笑),或一d 比較長線、框架性、方向性既睇法,亦無責任對佢地既投資負責,更加唔會上心,你問一句我心情好既就答兩句、但答完下次你問我,我會反問你「當時我有咁講過咩? 鬼記得咩」。

至於第二類,無錯我真係未發達,所以仲需要打工儲子彈,但反過黎諗,我發左達既話,仲會唔會繼績分析? 可能有行家真係好有愛心,但我比較現實,我發左達的話真係會退隱 (雖然呢句說話我都講左17年,有機會未來17年都仲會講緊!) 。再講,未發達就唔可以分析,係咩邏輯? 即係費格遜、摩連奴同哥迪奧拿,你地都未捧過世界盃,有咩資格學人教波?

言歸正傳,其實所謂專家,真係無水晶球,做交易都離唔開睇錯市、做止蝕、考驗耐性、風險管理、計值博率、贏守輸走之類的投資格言。當金價係1800 時,一直都唔提黃金,因為好彩估中今年低位係1675、高位係1915,1800無乜值博率。直至9月初講左一個黃金既講座,建議大家開定個黃金戶口等機會,直至上星期四係我個收費聊天室建議短線區間1717-1722 / 1760-1770,又點會估到一掂到 1722 就反彈、更加估唔到 4-5 小時就抽埋上 1760 樓上丫,但耐性、入市位的確係成功交易中其中比較重要既部份,再配合埋少少運氣先得。不過對於聊天室既朋友,我先會上心同緊張佢地既倉位。

#Aaronchan #陳健豪 #FX #外匯 #Forex #秒投 #外匯富豪


風險提示: 本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。

Blogger 提供.