Header Ads

Header ADS

短篇分享 | 資深外匯評論員 - 陳健豪

短篇分享

作者介紹: 陳健豪 Aaron Chan

- 外匯小王子 
- 愛跑數更愛跑步的金融人 
- 金融跑隊 Just Runners 成員 
- 財星足

文章獲受權後轉載自 Aaron FB page: https://www.facebook.com/AaronChanFX
美匯指數9月尾升穿93.7創今年新高後,過去兩星期一直企穩係93.7 樓上,如果重新跌穿 93.5就被視為外幣見底。至於阻力,就係2020年3月美元由94.6 急升至103既起點,即係94.6-96.1 左右。

我仍然中線睇淡美元走勢,但短線順勢就要睇好美元繼續反彈,呢d 價位需要小心處理,因為係美匯指數過去兩年高位 103、低位88水平既中間位 [約95.5]。有可能係做緊頂,中間尷尬位只可以小注怡情,唔值得大手買賣。

睇淡美匯指數既原因例如雙赤字惡化問題未解決,但基本分析最難預測既就係時間。講開時間,2020年美元3月份用左9個月時間由103水平跌至88; 2021年1月美元亦用左9個月由88水平升至而家既94水平,apples to apples 就可以睇到美元似乎仍然係「跌得快、升得慢」。

當然,要美元由反彈轉為重新下跌,係需要有基本因素慢慢累積、發酵、再有導火線觸發,中間需要時間、係一個過程,所以見頂通常係不知不覺、係懷疑之中出現; 然後導火線就會出現一枝大陰燭; 咁而家市場暫時未有一d X-factor 或 game-changer 出現,又何必俾時間局限自己,例如要每日幾點之前要平倉? 通常我自己只會用價位控制盈利同損失,時間就係我做交易控制唔到既因素,唯有「未到價、唔入市; 未到價、唔食糊; 放好止蝕、控制風險」,唔需要急於用時間去決定自己倉位既生死,就係我既佛系交易模式。

圖片來源:Yahoo財經 APP  Yahoo 財經

風險提示: 本文章純屬趣味分享不代表本網站立場。內容發佈的資料包括所有觀點、新聞、分析、報價或其它信息僅為一般市場評論,並非構成投資建議,也並非勸誘或推薦閣下買入或賣出任何保證金貴金屬金融產品。
Blogger 提供.